Андижон вилояти Булоқбоши туманида янги йирик инвестиция лойиҳаси бўйича қурилиш ишлари бошланди. Бу ҳақда вилоят ҳокимлиги ахборот хизмати хабар берди.
Унда айтилишича, Булоқбоши туманида Ўзбекистон—Хитой қўшма корхонаси томонидан умумий қиймати 350 миллион АҚШ доллари бўлган янги саноат ва қурилиш лойиҳаси амалга оширила бошлади.
Лойиҳа доирасида полипропилен қоплар, шифер, газоблок, тайёр бетон ҳамда йўлак плиткалари ишлаб чиқариш корхоналари барпо этилиши, шунингдек, логистика маркази ва “Buloqboshi city” қурилиш лойиҳалари ташкил этилиши кўзда тутилган.
Мазкур лойиҳанинг амалга оширилиши туманда янги иш ўринларини яратиш, маҳаллий иқтисодиёт салоҳиятини ошириш ва замонавий инфратузилмани ривожлантиришга хизмат қилади.
Қурилиш ишларининг бошланиши муносабати билан ўтказилган тадбирда қўшма корхона вакиллари, туман ҳокимлиги масъуллари ҳамда кенг жамоатчилик иштирок этди.
Хитой Ўзбекистон орқали янги мултимодал йўналишни ишга туширди. Мазкур мултимодал маршрутининг очилиши Марказий Осиё—Хитой, Хитой—Европага элтувчи йўлларни диверсификация қилиш ҳамда “Ўрта йўлак” транзит имкониятларини ривожлантиришга қаратилган.
