Тошкентда бир нечта юқори курс талабалари наркотик билан қўлга тушди. Бу ҳақда “Миллий” телеканали хабар қилди.
Қайд этилишича, пойтахтда яшовчи 1999 йилда туғилган талабанинг хонадони кўздан кечирилганда 700 грамм марихуана, 600 грамм гашиш ҳамда 100 грамм мефедрон синтетик гиёҳвандлик воситалари борлиги аниқланиб, ашёвий далиллар тариқасида ҳужжатлаштириб олинган.
Бундан ташқари, Қашқадарё ва Сурхондарё вилоятларида туғилган талабалар ўзаро тил бириктириб, Яккасарой туманидаги кўп қаватли уйларнинг олдидан гиёҳванд воситаларни олаётган пайтда қўлга тушган. Улар юқори курс талабалари экани маълум бўлди.
Ҳолат юзасидан тезкор-қидирув тадбирлари давом этмоқда.
