“Жуманжи” ва “Топ Ган: Мэверик” фильмлари орқали танилган америкалик актёр Жеймс Хэнди Лос-Анжелесдаги ҳужум оқибатида ҳалок бўлди. Бу ҳақда “New York Post” хабар берди.
“Жуманжи”, “Топ Ган: Мэверик” ва “Тапс” фильмларида рол ўйнаган америкалик актёр Жеймс Хэнди Лос-Анжелеснинг Тарзана мавзесида пичоқлаб кетилиши оқибатида вафот этди.
Полиция маълумотларига кўра, жорий йилнинг 3 июнь куни эрталаб ҳуқуқ-тартибот идоралари ходимлари ташвишли қўнғироқдан сўнг уйлардан бирига етиб борган. Воқеа жойида улар кўкрак қафасидан кўплаб пичоқ жароҳатлари олган ва ҳушсиз ҳолатда ётган 81 ёшли актёрни топган.
Хэнди шифохонага олиб борилган, бироқ унинг ҳаётини сақлаб қолишнинг имкони бўлмаган. 44 ёшли Майкл Гледхилл полиция ходимларининг олдига бориб, қидирилаётган шахс айнан у эканлигини маълум қилган. Кейинчалик ушбу эркак қотилликда гумон қилиниб ҳибсга олинган.
Полиция хабарига кўра, Гледхилл Хэндининг дўстининг ўғли бўлиб, воқеа содир бўлган вақтда онаси билан бирга яшаб келаётган бўлган. Ҳужумга нима сабаб бўлгани ҳозирча номаълум. Гумонланувчига нисбатан қотиллик бўйича жиноят иши қўзғатилди. Гаров пули миқдори 2 миллион доллар этиб белгиланган.
