Toyota компанияси Japan Mobility Show 2025 кўргазмасида ўзининг навбатдаги инновацион лойиҳаси — Моbi номли болалар учун мўлжалланган автоном электроMobiль намунасини тақдим этди. Ушбу ғайриоддий транспорт воситаси сунъий интеллект ёрдамида мустақил бошқарув имкониятига ҳам эга.
Toyota янги лойиҳасини Mobility for All(“Ҳар бир инсон учун ҳаракатланиш эркинлиги”) ташаббуси доирасида ишлаб чиққан. Дастур ҳар қандай ёшдаги, жисмоний имконияти турлича бўлган инсонлар учун қулай ва хавфсиз транспорт яратишга қаратилган. Mobi эса шу ғоянинг болалар сегментидаги илк намунаси ҳисобланади.
АвтоMobiль дизайни ғаройиб футуристик шакл — юмалоқ, капсула кўринишида. Корпусдаги LED чироқлар болага жонли мулоқот ҳиссини беради. Улар орқали Mobi ўз “кайфиятини” ифодалай олади, бу эса бола билан эмоционал алоқа ўрнатишга ёрдам беради.
Mobiънинг энг диққатга сазовор жиҳати ички қисмидир. Салонда УХ Friend деб номланган сунъий интеллектли ёрдамчи ўрнатилган. У болага транспорт воситасидан қандай фойдаланишни босқичма-босқич ўргатади, йўл давомида суҳбатлашади ва хавфсизликни назорат қилади.
Автомобиль салони болалар учун қулайлик ва хавфсизликни ҳисобга олган ҳолда ишлаб чиқилган: юмшоқ материаллар, эргономик ўриндиқлар ва тўлиқ ёпиқ кузов болани ташқи зарбалардан ҳимоя қилади. Шунингдек, Mobi автоном тарзда ҳаракатланишдан ташқари, масофадан туриб назорат қилинадиган хавфсизлик тизимига ҳам эга.
Toyota ҳозирча ушбу намунаниинг техник тафсилотларини ошкор этмаган, аммо компания вакиллари лойиҳанинг асосий мақсади — болаларни хавфсиз ва мустақил транспорт билан таништириш эканини таъкидлашмоқда. Mobi шаҳар ичида қисқа масофаларга мўлжалланган, экологик тоза аккумулятор тизимида ишлайди.
Toyota Mobi намунаси 2025 йил 30 октябрдан 9 ноябргача бўлиб ўтадиган Japan Mobility Show кўргазмасида намойиш этилмоқда. Айни дамда компания синов босқичлари ёки бозорга чиқиш масаласида маълумот бермаган. Бироқ мутахассисларнинг тахминича, агар лойиҳа муваффақиятли ўтса, яқин йилларда Toyota болалар учун мўлжалланган ақлли шахсий транспорт воситалари ишлаб чиқарилишини йўлга қўйиши мумкин.
