Эрон президенти Масъуд Пезешкиён ўз маошини мактаблар қуриш бўйича миллий кампания ҳисобига ўтказди. Бу ҳақда Мактабларни таъмирлаш, ривожлантириш ва жиҳозлаш миллий ташкилоти раҳбари Ризо Хонмуҳаммадий маълум қилди.
Унинг сўзларига кўра, президент 30 октябрь куни соат 11:30 да (Тошкент вақти билан 13:00) қурилиш соҳаси вакиллари ва донорлар билан учрашган. Пезешкиён йиғилишда мактаблар қурилиши учун маблағ киритишга ваъда берган. Шундан сўнг сиёсатчи 1 ноябрь куни эрталаб соат 10:00 да (Тошкент вақти билан 11:30 да) ўтказмани амалга оширган. Буни расмий депозит маълумоти билан тасдиқлайди.
Масъуд Пезешкиён 2024 йил июль ойи бошида Эрон президенти бўлганди. Сиёсий карьерасидан олдин у кардиожарроҳ бўлиб ишлаган, Табриз тиббиёт фанлари университетини бошқарган.
“Мактаб қур” умуммиллий кампанияси Эронда кузда бошланди. Президент ўшанда ойлик маошини таълим муассасалари қурилишига ўтказишини айтганди. Кампания фуқароларни мактабларни қуриш ва таъмирлашда иштирок этишга, бунда ҳам молиявий, ҳам бошқа ёрдам кўрсатишга чақиради.
