Жаҳон чемпионати қаҳрамонларидан бири Кабо-Верде дарвозабони Возиня Чилининг энг йирик клубларидан бири бўлган “Коло-Коло” сафига ўтади. Бу ҳақда журналист ва инсайдер Фабрицио Романо ижтимоий тармоқларда хабар берди.
Манбанинг сўзларига кўра, Кабо-Верде дарвозабонининг трансфери бўйича оғзаки келишувга эришилган. Ҳужжатлар ҳали имзоланмаган. Инсайдернинг таъкидлашича, Возиня шу ҳафта охирида янги клубида тиббий кўрикдан ўтади. Дарвозабоннинг ўзи Чили клуби фаолиятидаги янги босқич бўлишига ишончи комил.
Аввалроқ “Коло-Коло” клуб президенти Анибал Мозанинг кўрсатмаси билан 40 ёшли дарвозабон билан музокаралар олиб боргани ҳақида хабар берилган эди. Чили клубидан олдин, Лионель Месси ўйнайдиган Американинг “Интер Майами” клуби футболчи учун асосий даъвогар деб ҳисобланган эди.
Возиня 2026-йилги Жаҳон чемпионатида тўртта ўйинда майдонга тушиб, иккита ўйинда дарвозаси дахлсизлигини сақлаб қолган. Унинг Португалия иккинчи дивизиони вакили “Чавес” билан шартномаси шу ёзда якунига етди. Жаҳон чемпионати финалида илк бор иштирок этган Кабо-Верде терма жамоаси 1/32 финалда Аргентинага 3:2 ҳисобида мағлуб бўлди.
