Қашқадарё вилояти Ички ишлар бошқармаси тезкор қидирув хизмати ходимлари томонидан ўтказилган тезкор тадбирда Қарши шаҳрида ҳоким ёрдамчиси камбағалликни қисқартириш учун ажратилаётган кредитни фуқарога расмийлаштириб беришни ваъда қилиб, 200 доллар пул талаб қилган вақтда қўлга олинди. Бу ҳақда вилоят Ички ишлар бошқармаси хабар берди.
Қайд этилишича, ҳоким ёрдамчиси бошқа бир маҳаллада яшовчи фуқаро номига камбағалликни қисқартириш дастури доирасида ажратилган 33 миллион сўмлик имтиёзли кредитни расмийлаштириб беришни ваъда қилиб, бунинг эвазига 200 АҚШ доллари талаб қилган.
Ушбу мансабдор шахс талаб қилинган пул маблағини ўз хизмат хонасида қабул қилаётган вақтда тезкор тадбир иштирокчилари томонидан ашёвий далиллар билан ушланган ва ҳолат процессуал тартибда расмийлаштирилган.
Мазкур ҳолат юзасидан ҳоким ёрдамчисига нисбатан Жиноят кодексининг 168-моддаси (фирибгарлик) 3-қисми “в” банди билан жиноят иши қўзғатилган.
