ХХР: АҚШ савдо урушига бошлашига сабаб — бу бошқа давлатларнинг ўсишини тўхтатишдир.
АҚШ томонидан бошланган савдо уруши бошқа давлатлардаги ривожланаётган тармоқларнинг ўсишини тўхтатишга қаратилган. Бу ҳақда Хитойнинг Жаҳон савдо ташкилоти (ЖСТ)даги миссияси маълум қилди, деб ёзади «Прайм».
Миссия АҚШни ЖСТ аъзолиги талаб қиладиган мажбуриятларни бузганликда айблади. Натижада қоидаларга асосланган кўп томонлама савдо тизими издан чиқмоқда, бошқа давлатларнинг қонуний манфаатлари ва ҳуқуқлари эса камситилмоқда.
Бундан ташқари, Хитой вакилларининг фикрича, Вашингтон айрим ЖСТ аъзоларини босим остида дискриминацион ва эксклюзив шартномалар тузишга мажбурлаш учун бож тўловларини бир томонлама тарзда жорий қилмоқда.
Миссиянинг таъкидлашича, бундай сиёсат жаҳон саноати ҳамда ишлаб чиқариш ва етказиб бериш занжирларини жиддий тарзда издан чиқарди.
Август ойи охирида Хитойнинг Россиядаги элчиси Чжан Ханьхуэй ҳам АҚШнинг ЖСТ қоидаларини бузганига эътибор қаратган эди. Унинг сўзларига кўра, АҚШ узоқ йиллар давомида эркин савдодан улкан фойда кўрган бўлса-да, ҳозир унилатерализм (бир томонлама ҳаракатлар), протекционизм ва иқтисодий босим сиёсатини олиб бормоқда.
