Интерполнинг Ўзбекистон Республикасидаги Миллий марказий бюроси ҳамда Ўзбекистоннинг Польшадаги элчихонаси ўзаро ҳамкорлигидаги саъй-ҳаракатлари натижасида оғир турдаги жиноятни содир этган шахс Польшада қўлга олинди. Бу ҳақда Ўзбекистон Ички ишлар вазирлиги хабар берди.
Интерполнинг Ўзбекистондаги Миллий марказий бюроси масъул ходимлари томонидан олиб борилган бир қатор тегишли тезкор ишлар ҳамда Ўзбекистоннинг Польшадаги элчихонаси вакилларнинг ҳамкорлигида оғир турдаги жиноятни содир этиб Польша давлатида яшириниб юрган шахс аниқланган.
У халқаро шартномаларда белгиланган тартибда Ўзбекистонга депортация қилинган.
“Мамлакатга олиб келинган шахс содир этган жинояти учун қонун олдида жавоб беради”, дейилади хабарда.
