Бугун, 23 июнь куни Америка Қўшма Штатларида Португалия ва Ўзбекистон иштирокидаги «К» гуруҳи саралаш босқич беллашувларининг 2-тур учрашуви бўлиб ўтади.
Бу ўйин икки гуруҳ вакили учун ҳам жуда муҳим ўйин. Гуруҳ фаворити сифатида кўрилган Португалия биринчи тур учрашувида Конго билан дуранг ўйнаган. Бу йилги жаҳон чемпионатининг дебютанти бўлган Ўзбекистон эса илк ўйинда Колумбияга ютқазган.
2-тур учрашувлари арафасида гуруҳдаги ҳар тўрт жамоа ҳам кейинги босқичга чиқиш имконини сақлаб турибди.
Янги тартиб-қоидаларга мувофиқ, бундан ташқари, бу йилги жаҳон чемпионатида ўз гуруҳида энг яхши натижа билан учинчи ўринни эгаллаган 8 миллий терма жамоа ҳам жаҳон чемпионлиги учун курашини давом эттира олади.
Ўзбекистон тушган гуруҳ кўпчилик футбол мутахассислари томонидан «Ўлим», яъни энг оғир гуруҳлардан бирига ҳам қиёс берилган.
Ўзбекистон Колумбияга қарши биринчи учрашувида матонатли ўйин кўрсатган ва илк ўйинидаёқ жаҳон чемпионатидаги дастлабки тўпини киритишга муваффақ бўлган. Бу голга Аббосбек Файзуллаев муаллифлик қилган.
Маълумот учун, Португалия ва Ўзбекистон учрашуви бугун, 23 июнь куни Тошкент вақти билан соат 22:00 да бошланади. Баҳсни марокашлик ҳакам Жалол Жаед бошқариб боради.
