Пентагон Исроил томонидан АҚШга нисбатан жосуслик ҳаракатлари кучайганидан хавотир билдирмоқда. Бу ҳақда икки нафар амалдаги ва бир нафар собиқ америкалик мулозимга таяниб, NBC телеканали хабар берди.
“Пентагон Исроилнинг АҚШдаги жосуслик фаолиятидан хавотирда ва яқинда Американинг Яқин Шарқдаги асосий иттифоқчиси томонидан келаётган контрразведка таҳдиди даражасини энг юқори босқичга кўтарди”, дейилади хабарда.
Телеканал суҳбатдошларининг сўзларига кўра, Пентагон Исроил АҚШ Президенти Дональд Трамп маъмуриятининг Яқин Шарқдаги можаролар бўйича ички муҳокамалари ва қарорлари ҳақида маълумот тўплаш мақсадида юқори мартабали америкалик мулозимларни кузатиш учун “алоҳида ҳаракат қилмоқда” деб хавфсирамоқда.
Шу билан бирга, Исроилнинг Вашингтонги элчихонаси вакили телеканалга берган изоҳида гўёки жосуслик қилинаётгани ҳақидаги маълумотларни рад этган.
“Исроил Америка тузилмалари, айниқса, АҚШ ҳукумати расмий шахслари ҳақида разведка маълумотларини йиғмайди”, дейди у.
Оқ уй вакили ҳам бу маълумотни ёлғон деб атаган ва бу хабарлар “воқеалардан мутлақо хабари йўқ” шахслардан чиқаётганини маълум қилган.
