Туркия ва Буюк Британия ўртасида 27 октябрь куни 20 дона Eurofighter Typhoon қирувчи самолётларини харид қилиш бўйича шартнома имзоланди. Бу ҳақда Британия ҳукумати хабар берди.
Битим қиймати 8 миллиард фунт стерлинг (тахминан 13,8 миллиард доллар) бўлиб, бу НАТО иттифоқдошлари ўртасидаги мудофаа ҳамкорлигини янада мустаҳкамлайди. Британия Бош вазири Кир Стармер 2024-йилда лавозимга киришганидан бери Туркияга илк бора ташрифи буюриб, Анқара шаҳрида президент Ражаб Тоййиб Эрдўғон билан шартнома имзоланган.
Расмийларнинг айтишича, ушбу битим Буюк Британияда 20 мингдан ортиқ иш ўринларини яратиш имконини беради. Самолётлар Эдинбург, Уортон, Салмсбери ва Бристол шаҳарларидаги ишлаб чиқариш заводларида йиғилади. Бу сўнгги 20 йилдаги энг йирик жанговар самолёт битими ҳисобланади ва Британиянинг Уортон заводини ёпилишдан сақлаб қолмоқда.
Айни пайтда, бу келишув Туркия ҳаво кучларининг имкониятларини кенгайтириб, НАТОнинг мудофаа салоҳиятини мустаҳкамлайди. Туркия ва Британия 2025-йилнинг июль ойида 40 та Typhoon самолёти савдоси учун дастлабки келишувни имзолаган эди. Битимни Германия, Италия ва Испания каби Eurofighter консорсиуми аъзолари ҳам ма’қуллаган.
