Бугун, 9 май куни Москвадаги Қизил майдонда Ғалабанинг 81 йиллигига бағишланган ҳарбий парад бошланди. Бу ҳақда “Коммерсантъ” хабар берди.
Тантанали маросимда Россия Президенти Владимир Путин, Беларусь Президенти Александр Лукашенко ўғли Николай билан бирга, Қозоғистон Президенти Қосим-Жомарт Тўқаев, Ўзбекистон Президенти Шавкат Мирзиёев ва бошқа давлат раҳбарлари иштирок этмоқда.
Россия Мудофаа вазирлиги маълум қилишича, Қизил майдондан қуруқлик қўшинлари, ҳарбий ўқув юртлари курсантлари ҳамда турли турдаги қўшинлар ҳарбий хизматчилари ўтиб ўтади. Шунингдек, Украинадаги “махсус ҳарбий операция”да иштирок этган бўлинмалар ҳам парадда қатнашмоқда.
Парад давомида Россия ҳарбий авиацияси пилотаж гуруҳлари самолётлари Москва осмонидан учиб ўтади. Якунда эса Су-25 ҳужумчи самолётлари осмонни Россия байроғи ранглари билан бўяш кутилмоқда.
Россия Президенти матбуот котиби Дмитрий Песковнинг айтишича, бугун Путиннинг бир қатор икки томонлама учрашувлари ўтказилиши режалаштирилган.
Путин дастлаб Қизил майдонда нутқ сўзлайди, кейин меҳмонлар билан бирга Номаълум аскар қабрига гул қўяди ва Кремлда хорижий етакчилар билан бир неча учрашувлар ўтказади.
