Ўзбекистонда 2025 йил январь-сентябрь ойларида ўртача ойлик номинал ҳисобланган иш ҳақи 6 млн 166,9 минг сўмни ташкил этиб, ўтган йилнинг мос даврига нисбатан 19,2 фоизга ўсган.Бу ҳақида МИЛЛИЙ СТАТИСТИКА ҚЎМИТАСИ ҳабар берди
Ҳудудлар кесимида ўртача ойлик номинал ҳисобланган иш ҳақлари Тошкент шаҳрида 10 млн 379,6 минг сўмни ташкил этиб, ўтган йилнинг мос даврига нисбатан 18,7 фоизга ўсганлиги кузатилди.
Шунингдек, бу кўрсаткич Самарқанд вилоятида 4 млн 853,3 минг сўмни (ўтган йилнинг мос даврига нисбатан ўсиш суръати 124,8 фоиз), Наманган вилоятида 4 млн 543,8 минг сўмни (120,9 фоиз), Сирдарё вилоятида 4 млн 930,8 минг сўмни (120,7 фоиз), Фарғона вилоятида 4 млн 574,5 минг сўмни (119,8 фоиз) ва Жиззах вилоятида 4 млн 589,0 минг сўмни (119,2 фоиз) ташкил этган.
Ўртача ойлик номинал иш ҳақи иқтисодий фаолият турлари бўйича таҳлил қилинганда эса энг юқори ўсиш суръатлари санъат, кўнгил очиш ва дам олиш соҳасида қайд этилди.
Хусусан, мазкур соҳада 2024 йилнинг мос даврига нисбатан ўсиш суръати 122,8 фоизни ташкил етиб, иш ҳақи миқдори 5 млн 114,7 минг сўмга етгани кузатилди.
Шунингдек, таълим йўналишида ҳам сезиларли ўсиш қайд етилиб, иш ҳақи миқдори 4 млн 188,5 минг сўмни ташкил этди (ўсиш – 19,8 фоиз). Ташиш ва сақлаш соҳасида ўртача иш ҳақи 9 млн 382,1 минг сўмни ташкил этиб, 16,7 фоизга, ахборот ва алоқа соҳасида эса 14 млн 985,8 минг сўмга етди (16,6 фоиз ўсиш). Саноат соҳаларида ўртача иш ҳақи 7 млн 301,0 минг сўмни ташкил этиб, 16,3 фоизга ошгани қайд этилди.
Шу билан бирга, қурилиш соҳасида ўртача ойлик иш ҳақи 6 млн 342,6 минг сўм бўлиб, ўтган йилнинг мос даврига нисбатан 9,2 фоизга ошди. Яшаш ва овқатланиш бўйича хизматлар соҳасида бу кўрсаткич 5 млн 122,8 минг сўмни ташкил этиб, 10,1 фоизга, савдо соҳасида 6 млн 875,6 минг сўмни ташкил этиб, 12,1 фоизга, соғлиқни сақлаш ва ижтимоий хизматлар йўналишида 3 млн 765,4 минг сўмни ташкил этиб, 14,6 фоизга ошди. Банк, суғурта, лизинг, кредит ва воситачилик фаолияти соҳасида эса ўртача ойлик иш ҳақи 16 млн 828,9 минг сўмни ташкил этиб, 15,6 фоизга ўсди.
