Жорий йилнинг 27 апрель куни Бухоро вилоятида Йўл ҳаракати хавсизлиги бошқармаси (ЙҲХБ) ходими пиёдани уриб юборди. Бу ҳақда вилоят ЙҲХБ хабар берди.
Қайд этилишича, соат 09:05 ларда Бухоро вилояти, Вобкент тумани, Имом Бухорий кўчасида ҳайдовчи, 1987 йилда туғилган, вилоят ЙҲХБ ходими Ё.Мавлонов ўзига тегишли Cobalt русумли автомобилни бошқараётиб, пиёдалар ўтиш жойидан йўлни кесиб ўтаётган пиёда, 2009 йилда туғилган С.Н. ни уриб юборган.
Ҳодиса оқибатида пиёда енгил тан жароҳатлари олган. Ходим жабрланувчига биринчи тез тиббий ёрдам кўрсатиш мақсадида уни шифохонага олиб борган. Ходим хизмат вақтида, ҳушёр ҳолатда, автомобилни бошқариш учун барча тегишли меъёрий ҳужжатларга эга бўлган.
Мазкур ҳолат юзасидан Вобкент тумани прокуратураси томонидан терговга қадар текширув ҳаракатлари олиб борилмоқда.
Айрим ижтимоий тармоқ фаолларидан гўёки ушбу ҳодисани “ёпди-ёпди”бўлмоқда деган асоссиз хабарларни тарқатмасликларини сўралмоқда.
Ҳолат тўлиқ ва холисона ўрганилиб, тергов якуни бўйича қонуний қарор қабул қилиниши таъминланади.
