2026 йилги Жаҳон чемпионати давомида Ўзбекистон миллий терма жамоаси АҚШнинг Атланта шаҳрида истиқомат қилади. Терма жамоа мусобақа давомида машғулотларни “Атланта Юнайтед” футбол клубига қарашли базада олиб боради.
Ўзбекистон футбол ассоциациясининг маълум қилинишича, гуруҳдаги рақиблар ҳам ўз базаларини аниқлаб олган. Жумладан, Португалия терма жамоаси Палм Бич шаҳарчасида, Колумбия эса Коламбус шаҳрида жойлашади.
Қайд этилишича, турнир давомида FIFA томонидан жами 61 та локация танлаб олинган. Ушбу масканлар мусобақа иштирокчиларининг яшаши ва машғулот ўтказиши учун мўлжалланган.
Базаларни тақсимлаш жараёни жамоаларнинг ўйин ўтказадиган шаҳар ва стадионлари географиясидан келиб чиқиб амалга оширилпфт. Гуруҳ босқичи учрашувлари вақтида терма жамоалар бошқа шаҳарларга махсус чартер рейслари орқали йўл олиб, баҳс якунлангач яна ўз базасига қайтади.
