Қашқадарёда аёлларни Туркияга фоҳишаликка юбориш билан шуғулланган шахс қўлга олинди. Бу ҳақда Ички ишлар вазирлиги хабар қилди.
Қайд этилишича, миллати турк бўлган фуқаро қизларни катта маблағ ваъдаси билан алдаш орқали хорижга юбориб, уларни фоҳишаликка жалб этиш билан шуғулланиб келган. У муқаддам қасддан баданга оғир тан жароҳати етказиш, безорилик ва ноқонуний қурол сақлаш жиноятларини содир этгани учун жавобгарликка тортилган.
Гумонланувчи Қарши шаҳрида яшовчи аёлни ҳам Истанбул шаҳридаги СПА салонлар ва меҳмонхоналарда мижозларга интим хизмат кўрсатиш орқали кунлик 12 000 лирагача даромад топиш мумкинлигига ишонтирган. У топилган маблағнинг 50 фоизини ўзига бериш шарти билан авиачипта харажатларини ҳам қоплаб беришини ваъда қилган.
Уюшган гуруҳ аъзолари Ислом Каримов номидаги Тошкент халқаро аэропорти ҳудудида жабрланувчини Туркияга жўнатишга уринаётган вақтда қўлга олинди.
Тадбир давомида жабрланувчидан Тошкент-Истанбул йўналишидаги электрон авиачипта ҳамда хорижга чиқиш паспорти ҳужжатлаштириб олинган.
Ҳолат юзасидан гумондорга нисбатан жиноят иши қўзғатилиб, қамоққа олиш чораси қўлланган. Ҳозирда тергов ҳаракатлари давом этмоқда.
