Қорақалпоғистонда патрул-пост хизмати ходими пора олаётган вақтида қўлга олинди. Бу ҳақда Ички ишлар вазирлиги хабар қилди.
Қайд этилишича, 2001-йилда туғилган фуқаро содир этган ҳуқуқбузарлигининг жазо чорасини енгиллаштирмоқчи бўлиб, яна ноқонуний ҳаракатларга аралашиб қолаётганини сезган ва Шахсий хавфсизлик бош бошқармасига мурожаат қилган.
Мурожаат асосида ўтказилган тезкор тадбирда, патрул-пост хизмати ходими профилактика инспектори иш юритувида бўлган материаллар бўйича ишни суд тиббиёт экспертизаси орқали енгиллаштириб бериш эвазига 10 миллион сўм олган вақтида ашёвий далиллар билан қўлга тушди.
Мазкур ҳолат юзасидан пост-патрул хизмати ходимига нисбатан Жиноят кодексининг тегишли моддаси билан иш очилиб, уй қамоғи эҳтиёт чораси қўлланган.
