Давлат хавфсизлик хизмати Тошкент вилояти бўйича бошқармаси ҳамда вилоят Божхона бошқармаси ҳамкорлигида ўтказилган тезкор тадбирда Тожикистондан олиб келинган кўп миқдордаги гиёҳвандлик воситасининг ноқонуний айланмасига чек қўйилди. Бу ҳақида ДХХ хабар берди.
Маълум қилинишича, тезкор тадбир давомида Термиз туманида яшовчи, 1968 йилда туғилган, муқаддам гиёҳвандлик воситалари савдоси билан боғлиқ жинояти учун судланган шахс бошқарувидаги Cobalt русумли автотранспорт воситаси “Бекобод-авто” чегара божхона постига кириб келган вақтда текширилган. Текширув жараёнида автомашинанинг ёқилғи баки ичига устамонлик билан яшириб қўйилган жами 30 килограммдан ортиқ “опий” моддаси мавжудлиги аниқланиб, ашёвий далил сифатида процессуал тартибда расмийлаштириб олинган.
Ҳозирда ушбу шахсга нисбатан Жиноят кодексининг 246-моддаси (Контрабанда) 2-қисми билан жиноят иши қўзғатилиб, унга нисбатан “қамоқ” эҳтиёт чораси қўлланилган.
