Супер енгил вазн тоифасида мутлақ жаҳон чемпиони бўлиб турган Иноуэ ўзига тегишли барча камарларни Накатанидан ҳимоя қилади. Жанг жорий йилнинг 2 май куни Токиодаги “Токио Дом” аренасида бўлиб ўтади. Бу ҳақда “Boksing News” нашри хабар берди.
Баҳсда ушбу вазн тоифасидаги барча нуфузли чемпионлик камарлари – WBA, WBC, IBF, WBO ҳамда The Ring камари тикилади.
Ҳар икки боксчи ҳам жангга 32 та ғалаба ва бирорта ҳам мағлубиятсиз рекорд билан кириб келмоқда. Иноуэ 27 та жангни нокаут билан якунлаган бўлса, Накатани 24 та муддатидан олдинги ғалабага эга. Накатани эса мазкур вазн тоифасидаги иккинчи жангини ўтказади. Иноуэ бу вазнга 2025 йил охирида кўтарилган.
Маълумот учун, ҳозирда Иноуэ вазнидан қатъи назар энг кучли боксчилар рейтингида иккинчи ўринда қайд этилган. Накатани эса уч вазн тоифасида собиқ жаҳон чемпиони ҳисобланади.
