Саудия Пролигасининг 23-туридан ўрин олган “Ан-Насср” — “Ал-Ҳазм” учрашувида Криштиану Роналду дубль қайд этди. 4:0 ҳисобида якунланган баҳсдан сўнг 41 ёшли португалиялик юлдуз ўзининг келажаги ҳақида тўхталиб ўтди.
“Мен Саудия Арабистони клубига тегишлиман. Фаолиятимни шу ерда давом эттирмоқчиман. Бу мамлакат мени, оиламни ва дўстларимни жуда яхши қабул қилди. Бу ерда бахтлиман ва узоқ вақт қолишни истайман”, дейди португалиялик ҳужумчи.
Маълумот учун, жорий мавсумда Роналду “Ан-Насср” сафида жами 22 та ўйинда майдонга тушиб, ўз ҳисобига 20 та гол ёздириб қўйишга муваффақ бўлди. Айни дамда унинг жамоаси чемпионат турнир жадвалида 55 очко билан биринчи ўринни эгаллаб турибди. Пешқадам “Ал-Ҳилол” ҳисобида эса 54 очко мавжуд.
Криштиану Роналдунинг асосий мақсади — 1000 та гол уриш. Ҳужумчи ҳозирга қадар 964 та гол муаллифига айланган.
