Буюк Британия жорий йилда гипертовушли ва узоқ масофали қуролларни ишлаб чиқишга 400 миллион фунт стерлинг (500 миллион доллардан ортиқ) маблағ йўналтиради. Бу ҳақда мамлакат мудофаа вазирлиги маълум қилди.
More stories“Буюк Британия Европанинг асосий иттифоқчилари билан янги юқори аниқликдаги ва гипертовушли узоқ масофали қуролларни ишлаб чиқишдаги ҳамкорлигини кенгайтирмоқда. Жорий йилда бу лойиҳалар учун харажатлар 400 миллион фунт стерлингдан ошиб кетади”, деб таъкидланди ҳарбий идора баёнотида.
Британия Storm Shadow ракетасини ишлаб чиқаришга раҳбарлик қилиш орқали Франция ва Италия билан Стратус ракетасини яратиш бўйича қўшма дастурни илгари сурмоқда.
Юқори тезликда ҳаракатланувчи янги ракеталар муҳим нишонларга зарба бериш, душман кемаларини йўқ қилиш ва душманнинг ҳаво ҳужумидан мудофаасини бостиришга эга бўлади.
“Буюк Британиянинг Германия билан ҳамкорликда узоқ масофали қуролларни яратиш бўйича янги дастури ишланмоқда. Гипертовушли қуролларни ишлаб чиқишни тезлаштирадиган қўшма тадқиқотларнинг янги босқичи бошланади”, дейилади вазирлик баёнотида.
Қайд этилишича, Deep Precision Strike деб номланувчи янги тизим 2000 км дан ортиқ масофани қамраб олади ва Буюк Британия томонидан ишлаб чиқилган энг илғор тизимлар қаторига киради. У 2030 йилда фойдаланишга топширилади.
“Узоқ масофали қуроллар Буюк Британия ва иттифоқчиларимизни ҳимоя қилиш ҳамда НАТОнинг тийиб туриш кучини ошириш учун ҳал қилувчи аҳамиятга эга”, деди мудофаа Вазири Жон Хили.
