Британиянинг Кембриж луғати “парасоциал” сўзини 2025 йилнинг сўзи деб эълон қилди. Бу ҳақда луғатнинг расмий сайтида хабар берилди.
Бу атама одатда одамларнинг шахсан танимайдиган кишилар билан ҳис қиладиган бир томонлама ҳиссий боғлиқлигини ифодалаш учун қўлланилади. 2025 йилда бу янада оммалашган. Хусусан, ижтимоий тармоқлар фойдаланувчилари тобора кўпроқ юлдузлар, машҳурлар, баъзан ҳатто китоб қаҳрамонлари ёки сунъий интеллект билан гўёки яқин муносабатлар шакллантира бошлаган. Бунда машҳур шахс ҳатто бу инсоннинг мавжудлигини ҳам билмаслиги мумкин. Аммо иккинчи томонда ким учундир қизиққан объекти билан бирор нарса содир бўлса, чинакам қайғу ҳисси юзага келади. Бу ҳолатда одам учун қаҳрамон китобдаги персонажми ёки сериал юлдузими, фарқи йўқ.
Қайд этилишича, атаманинг ўзи 1956 йилда социологлар Дональд Ҳортон ва Ричард Во томонидан ишлатилган бўлиб, телекўрсатув бошловчиларига нисбатан томошабинлар муносабатини тасвирлаш учун қўлланган. Яқин вақтгача “парасоциал” сўзи фақат илмий доираларда ишлатилган, бироқ эндигина оммавий тус олган.
Лексикографларнинг айтишича, бу неологизмлар вақтинчалик тренд эмас, улар тилга мустаҳкам кириб келмоқда ва уларга кўникишга тўғри келади.
