More stories
Самарқандда фуқаро шифокорни уриб, унга тан жароҳати етказди. Бу ҳақда вилоят ИИБ ахборот хизмати хабар қилди.
Қайд этилишича, жорий йилнинг 7 февраль куни Самарқанд шаҳрида яшовчи (1986 йилда туғилган) фуқаро Ш.Т. “112” рақамига қўнғироқ қилиб, хусусий тиббиёт клиникасида ишлаётган вақтида унга нисбатан тан жароҳати етказилганини маълум қилган.
Терговга қадар текширув ҳаракатлари давомида (1993 йилда туғилган) фуқаро И.О. фарзандини тиббий кўрикдан ўтказиш мақсадида клиникага олиб келгач, шифокор билан зиддиятли ҳолат оқибатида унинг бош қисмига уриб, тан жароҳати етказгани аниқланди.
Жароҳатнинг оғирлик даражасини аниқлаш мақсадида судга оид тиббий экспертиза тайинланган.
Ҳолат юзасидан терговга қадар текширув ҳаракатлари олиб борилмоқда.
