Уйғониш даври рассоми ва ҳайкалтароши Микеланжело Буонарротининг (1475-1564) картинаси “Christie’s” кимошди савдосида 27,2 миллион долларга сотилди. Бу ҳақда савдо уйи матбуот хизмати хабар берди.
“Christie’s” аукцион уйи мутахассислари Ливия чўлида жойлашган Сива воҳасидаги Зевс-Аммон оракули билан боғлиқ қадимги пайғамбарлик руҳонийси Сибилланинг ўнг оёғи тасвирланган, илгари номаълум бўлган қизил бўр эскизини аниқлаган. Аёлнинг юз қиёфасини эса Ватикандаги Сикстин ибодатхонасининг фрескаларида кўриш мумкин.
Лотнинг бошланғич нархи 2 миллион долларни ташкил этган. Аукцион 45 дақиқадан кўпроқ давом этган ва лот номаълум харидор томонидан 27,2 миллион долларга сотиб олиниши билан якунланган.
Италиялик ҳайкалтарош, рассом, меъмор ва шоир Микеланжело Ғарб санъатининг ривожланишига сезиларли таъсир кўрсатди. Унинг энг машҳур асарлари қаторига 300 дан ортиқ фигураларни ўз ичига олган Сикстин капелласининг шифтини (1508-1512), Довуднинг флоренсиялик ҳайкали ва Ватикандаги Авлиё Пётр базиликасида сақланадиган “Пьета” (Масиҳнинг мотамлари) ҳайкалтарошлик композицияси киради.
