Солиқ органларида 666 мингдан ортиқ ижара шартномалари ҳисобга қўйилди. Ушбу шартномалар бўйича 1 трлн сўмдан зиёд солиқлар ҳисобланган. Бу ҳақда Солиқ қўмитаси хабар берди.
Жисмоний шахслар ўртасида тузилган 466,2 мингта ижара шартномаси асосида 788,7 млрд сўм даромад солиғи ҳисобланиб, 2024-йилнинг мос даврига нисбатан ижара шартномалари сони 10,1 фоиз ва ҳисобланган даромад солиғи суммаси 56 фоизга ошган.
Юридик шахслар ўртасида тузилган 200,1 мингта ижара шартномаси асосида 253,4 млрд сўм солиқ ҳисобланиб, 2024-йилнинг мос даврига нисбатан ижара шартномалари сони 22 фоиз ва ҳисобланган солиқ суммаси 29,6 фоизга ошган.
Солиқ тўловчиларнинг уй-жойларни талабаларга ижарага беришдан олган даромадлари солиқдан озод этилган. Январь-ноябрь ойларида уларга даромад солиғидан 57,5 млрд сўм имтиёз қўлланилди. Талабалар билан 123,6 мингдан ортиқ турар жой ижара шартномаси тузилган. Ижарада турувчи талабалар сони 143 703 нафарни ташкил этди.
