Бугун, 21 январь куни Ўзбекистонда ўлчовли олтин қуймаларнинг нархи янги рекорд кўрсаткични қайд этди. Бу ҳақда Марказий банк хабар берди.
Олтиннинг бир грамми 1 млн 894 минг 820 сўмни ташкил қилмоқда. Оғирлиги 5 грамм бўлган қуйма эса 9 млн 474 минг сўмга баҳоланмоқда.
Қуймаларнинг сотув нархлари қуйидагича:
- 5 грамм – 9 млн 474 минг сўм;
- 10 грамм – 18 млн 948 минг сўм;
- 20 грамм – 36 млн 896 минг сўм;
- 50 грамм – 90 млн 741 минг сўм;
- 100 грамм – 180 млн 482 минг сўм.
Қайд этиш жоиз, жаҳон бозорида ҳам олтин нархи ошишда давом этмоқда. 21 январь куни олтиннинг жаҳон котировкалари бир троя унцияси учун қарийб 4860 АҚШ долларидан ошган.
Баъзи манбаларга кўра, олтин нархининг кескин ошишига АҚШнинг Гренландия бўйича талабларига доир ноаниқликлар ва глобал сиёсий вазият сабаб бўлган.
