Олтиндан ясалган, оғирлиги 100 килограмм бўлган унитаз АҚШдаги аукционда 12 миллион доллардан ортиқ нархда сотилди. Бу ҳақда “The New York Times” хабар берди.
Қайд этилишича, ушбу унитаз “Америка” номи остидаги санъат асари ҳисобланади. Асарнинг муаллифи машҳур италиялик рассом Маурицио Каттеландир.
Унитаз Sotheby’s аукцион уйи майдончасида сотилган ва айнан аукцион уйининг ўзи асар сотилганини эълон қилган.
“Лот сотилди. 12 110 000 АҚШ доллари”, дейилади хабарда.
Қайд этилишича, олтин унитаз тўлиқ ишлашга қодир, яъни ундан ҳожатхона сифатида фойдаланиш мумкин.
Бундай унитазлардан жами икки дона мавжуд.
Маълумот учун, 2019 йилда шундай унитазлардан бири Буюк Британиянинг собиқ бош вазири Уинстон Черчилль туғилган саройда беш дақиқада ўғирланган. Шу йилнинг февраль ойида Оксфордда ушбу жиноятга алоқадор шахслар бўйича суд бошланган ва 2023 йилда ушбу санъат асарини ўғирлаш бўйича тўрт нафар айбланувчи судланган эди.
ОАВ хабарларига кўра, аукционга қўйилган унитазнинг эгаси америкалик миллиардер Стивен Коэн ҳисобланади.
