Чеченистон раҳбари Рамзан Қодиров ўзининг тўнғич ўғли Ахмат Қодиров республика ҳукумати раисининг ўринбосари вазифасини бажарувчи этиб тайинланганини эълон қилди. Бу ҳақда Тhе Insider xабар берди.
Кадрлар алмашинуви
“Қодировнинг сўзларига кўра, 2026-йилнинг илк кунларида ҳукумат таркибида бир қатор ўзгаришлар амалга оширилган. Ҳукумат раиси Магомед Даудовнинг тавсиясига кўра, Ахмат Қодиров Чеченистон ҳукумати раиси ўринбосари этиб тайинланди”, дейилади хабарда.
Шунингдек, Ахмед Дудаев ҳам ҳукумат раиси ўринбосари — Миллий сиёсат, ташқи алоқалар, матбуот ва ахборот вазири лавозимига тасдиқланди.
Ахмат Қодировнинг карьераси: 20 ёшда юқори лавозимлар
2005-йилда туғилган Ахмат Қодиров қисқа вақт ичида қатор масъулиятли лавозимларни эгаллашга улгурди. Хусусан:
- 2022-йилда Чеченистон раҳбари маслаҳатчиси ҳамда “Биринчилар ҳаракати” минтақавий бўлими раиси;
- 2023 йил ноябрь ойида жисмоний тарбия, спорт ва ёшлар сиёсати вазирининг биринчи ўринбосари;
- 2024 йил 17 февраль куни ёшлар ишлари бўйича вазир;
- 2024 йил 21 май куни жисмоний тарбия ва спорт вазири;
- 2024 йил 23 май куни “Ахмат” футбол клуби президенти.
Ахмат Қодиров, шунингдек, “Чеченистон Республикаси ёшлар сиёсати соҳасида хизмат кўрсатган ходим” унвони соҳиби ҳисобланади. Рамзан Қодировнинг бошқа фарзандлари ва яқин қариндошлари ҳам республикадаги турли раҳбарлик лавозимларида фаолият юритиб келмоқда.
