Сурхондарёда 19 ёшли афғонистонлик йигит бошқарувида бўлган машина ЙТҲга учраб, ағдарилиб, ёниб кетди. Бу ҳақда вилоят ИИБ матбуот хизмати хабар қилди.
Ҳодиса жорий йилнинг 3 ноябрь куни тун соат тахминан 1:10 ларда Термиз шаҳри ҳудудида содир бўлган. Унда 2006-йилда Афғонистоннинг Балх вилояти, Мозори Шариф шаҳрида туғилган йигит бошқарувидаги Toyota йўл четидаги дарахт ва электр устунига урилиб ағдарилган кетган, оқибатда ёнғин келиб чиққан.
Ушбу жараёнда транспорт воситаси ҳайдовчиси ва йўловчилари автомашинадан чиқиб олгани ва ҳеч қандай ўлим ҳолати кузатилмагани таъкидланди. Ҳодиса оқибатида транспорт воситаси тўлиқ ёниб кетган.
Ҳозирда Термиз шаҳар ички ишлар бошқармаси томонидан йўл транспорт ҳодисасининг келиб чиқиш сабаблари ўрганилмоқда.
