АҚШнинг собиқ президенти Жо Байден амалдаги раҳбар Дональд Трампни мамлакатни уятга қўйишда айблади. У бу ҳақда Демократик партиянинг Омахадаги тадбирида сўзлаган нутқида маълум қилган.
Байденнинг таъкидлашича, Трамп америкаликлар унга эмас, балки у америкаликларга хизмат қилаётганини англаб етиши керак.
“Жаноб президент, шуни тушунишингизни хоҳлайман: сиз бизга хизмат қиласиз, биз сизга эмас. Сиз фақат миллиардерлар ва миллионерлар учун эмас, балки бизнинг манфаатимиз учун ишлайсиз. Мен ғазабдаман. Бу ерда демократия ҳукм суради, демократияда шоҳлар бўлмайди, унинг хатти-ҳаракатлари бизни давлат сифатида шарманда қилмоқда”, — деди Байден 7 ноябрь куни Небраска штатининг Омаха шаҳрида бўлиб ўтган Демократик партия тадбирида.
АҚШ маъмуриятининг собиқ раҳбари Оқ уй биносининг шарқий қаноти яқинда бузиб ташланганини Трампнинг бутун мамлакатга бўлган муносабати билан таққослаган.
“Оқ уйнинг шарқий қанотига нима қилганини кўрдингизми? Бу унинг президентлик муддатининг ажойиб рамзидир”, деб АҚШнин собиқ раҳбари.
Унинг fiкрича, Трамп “конституция, қонун устуворлиги ва демократия” билан ҳам худди шундай муносабатда бўлмоқда.
