Фарғона вилоятининг Фурқат туманида ҳайдовчилик ҳайдовчилик гувоҳномаси бўлмаган ўсмир катта тезликда йўл-транспорт ҳодисасига учраши оқибатида ҳалок бўлди. Бу ҳақда Йўл ҳаракати хавфсизлиги хизмати хабар берди.
Қайд этилишича, у олдин ҳам йўл ҳаракати хавфсизлиги ходимлари томонидан ҳайдовчилик гувоҳномаси йўқлиги сабабли огоҳлантирилган ва қоидабузарлиги сабаб унга нисбатан қонуний чора кўрилган. Бироқ йигит Фурқат туманида яна руль бошқарувига ўтирган. У кескин бурилишда ҳаракат тезлигини ошириши оқибатида бошқарувни йўқотиб, биринчи огоҳлантириш устунига, кейин бетон симёғоч, охирида эса дарахтга бориб урилган.
“Бешариқ туманидан Қўқон шаҳрига ҳаракатланиб турган вақтимизда, шу тезлигимиз юздан ошиқроқ эди. “Обгон”га чиқаётган вақтимизда йўл қайрилган бўлган. Ҳалиги машинадан тўғри “обгон”га чиққан вақтда бетонга урилдик. Бетонга урилгандан кейин “столба”га урилиб, “столба” оғанагандан кейин мен лабовойдан отилиб чиқиб кетдим. Машина ариқни устига санчилиб туриб, машина сальто отиб кетган. Қолганини эслолмайман. Ўзи чангни ичидан чиқиб келганман мен”, дейди ушбу машинада бўлган йўловчилардан бири.
Шунингдек, у ҳодисадан кейин ҳайдовчини кўрганини, ҳамма жойи бутга ўхшаганини, бироқ пульсини ўлчаганда у вафот этганини билганини айтган.
