“Бавария” ва Англия терма жамоаси ҳужумчиси Ҳарри Кейн 2025-2026 йилги мавсум “Олтин бутса” мукофотини қўлга киритди. Бу мавсумда Кейн 36 гол киритишга муваффақ бўлди.
32 ёшли инглиз футболчиси Бундеслиганинг 31 та ўйинида 36 та гол (72 очко) уриб, Европанинг энг яхши тўпурарига айланди. Ушбу рейтингда иккинчи ўринни Премьер-лигада 27 та гол (54 очко) урган “Манчестер Сити” ҳужумчиси Эрлинг Ҳоланд эгаллади.
“Реал” ҳужумчиси Килиан Мбаппе Ла Лигада 25 та гол (50 очко) билан кучли учликни якунлади.
Бу Кейннинг иккинчи “Олтин бутса”си бўлди. У аввал 2023-2024 йилги “Бавария”даги дебют мавсумида 36 та гол уриб, ушбу совринни қўлга киритган эди.
Малъумот учун, жорий мавсумда Кейн барча мусобақаларда 51 та ўйинда майдонга тушиб, 61 та гол урди ва 7 та голли узатмани амалга оширди.
