Германия пойтахти Берлиннинг Панков туманидаги ўрмонда сайр қилиб юрган киши шубҳали буюмни – совет артиллериясига тегишли бўлган 59 та снарядларни топиб олди. Бу ҳақда Берлин полицияси хабар қилди.
Ҳодиса жойига Давлат жиноят-қидирув бошқармаси (LKA)нинг махсус бўлинмалари жалб қилинган. Текширув давомида мутахассислар кутилмаган топилмага дуч келган. Улар ер остида кўмилган Иккинчи жаҳон уруши даврига тегишли 59 та портламаган совет артиллериясининг снарядларини топган.
Уларнинг ҳар бири 122 миллиметр калибрга эга бўлган. Топилган ўқ-дориларнинг умумий оғирлиги тахминан 1,5 тоннани ташкил этган.
“Панков ўрмонларида фақат ёғочлар ётмаган экан”, деб ёзган Полиция Facebook саҳифасида ҳодисага ҳазиломуз муносабат билдириб.
Шу билан бирга, полиция вазият аҳоли учун хавф туғдирмаганини таъкидлаган. Ўқ-дориларни олиб чиқиш махсус операция орқали амалга оширилган. Мутахассислар ҳар бир снарядни алоҳида хавфсиз ҳолатга келтириб, кейинчалик йўқ қилиш учун ҳудуддан олиб чиққан.
