Суриянинг собиқ президенти Башар Асад ва унинг амакиваччаси Атеф Нажиб ўлим жазосига ҳукм қилинди. Бу ҳақда Al Jazeera хабар берди.
Дамашқдаги Жиноят суди 11 август куни Асадни қасддан одам ўлдиришда, Нажибни эса қасддан одам ўлдириш ва қийноққа солишда айбдор деб топди. Нажиб аввал Дераа провинциясидаги сиёсий хавфсизлик хизмати раҳбари бўлиб ишлаган. У 11 май куни Дамашқдаги жиноий судга махсус маҳбус кийимида олиб келинган эди.
Нажиб 2011 йилда Дераада ҳукуматга қарши намойишларни шафқатсиз бостиришга раҳбарлик қилганликда айбланган. Айнан шу воқеалар кейинчалик 14 йил давом этган Сурия фуқаролар урушига туртки берган. Нажибга қарши 75 нафар жабрланувчи даъво аризаси киритганди. Суд Асад ҳукумати томонидан 2011 йилда Дераада содир этилган жиноятларни инсониятга қарши жиноятлар деб тан олди.
