Шавкат Мирзиёевнинг тиббиёт ва фармацевтика ходимлари билан учрашувида болаларга антибиотикларни пала-партиш қўллаб келинаётгани танқид қилинди.
Қайд этилишича, охирги беш йилда ошқозон касалликлари 1,5 баробар қисқарган бўлса-да, Қашқадарё ва Навоийда деярли ўзгариш бўлмаган. Яккабоғда шифокорларга бўлган мурожаатларнинг 33 фоизи, Ғузорда 29 фоизи, Косон ва Миришкорда эса 25 фоизи ошқозон-ичак касалликлари билан боғлиқ.
Шифокорларнинг аҳолига, айниқса, болаларга ҳалигача антибиотикларни пала-партиш қўллаб келаётгани танқид қилиниб, туманларда врачларга қайси дори мумкин, қайси бири мумкин эмаслигини ўргатиш ишлари суст экани билдирилди.
Буйрак касалликларининг улуши Қорақалпоғистон, Хоразм, Фарғона ва Андижонда республика кўрсаткичидан 40—50 фоизга юқори экани ҳам очиқланди.
Йиғилишда бу касалликлар йиллар давомида камаймасдан келаётгани Урология ва Нефрология маркази раҳбариятини хавотирга солиши, улар пастга тушиб, буйрак касалликларининг олдини олишни ўргатиши кераклиги кўрсатиб ўтилди.
Президент қарори билан 202 -йилдан бошлаб давлат тиббиёт муассасалари ходимлари ҳар йилги Тиббиёт ходимлари куни байрамида меҳнатга ҳақ тўлашнинг энг кам миқдорида рағбатлантирилиши белгиланганди.
