Андижонда маҳалла фуқаролар йиғини биносида ижтимоий ходимни фуқаро чойнак билан урди. Бу ҳақда Ижтимоий миллий ҳимоя агентлиги хабар қилди.
Қайд этилишича, ҳодиса 1 ноябрь куни содир бўлган. Можаро МФЙнинг 2 нафар фуқаросининг электр энергия учун бериладиган бир марталик 1 миллион сўмлик компенсация пули банк томонидан қарз эвазига ушлаб қолингани сабаб бўлган
Жанжал вақтида фуқаролардан бири ижтимоий ходимни қўлидаги сопол чойнак билан уриб, унинг юзи ва қўлига тан жароҳати етказган.
Ҳозирда ҳолат бўйича терговга қадар текширув ишлари олиб борилмоқда. Суд-тиббиёт экспертизаси тайинланиб, етказилган жароҳат даражаси аниқланмоқда.
