Андижон вилоятининг Олтинкўл туманида сохта прокуратура ходими алдов йўли билан мактаб директоридан 10 минг АҚШ доллари миқдорида пора олётганда жиноят жойида қўлга олинди. Бу ҳақда Бош прокуратура хабар берди.
Баёнотда келтирилишича, Олтинкўл тумани ММТБга қарашли 2-сон касб хунар мактаби директори Х.Э. прокуратура департаментининг Олтинкўл тумани бўлими бошлиғи номига ариза билан мурожаат қилган. У ўзининг мурожаатида Олтинкўл туманида яшовчи О. исмли шахс ўзини Андижон вилояти прокуратурасида ишлашини билдирган А. исмли таниши орқали ариза муаллифи раҳбарлик қилиб келётган касб хунар мактабида ҳайдовчилик гувохномасига ўқитиш маркази очиш учун гувохнома олиб беришини билдириб, бунинг эвазига 10 минг АҚШ доллари талаб қилган ва пулнинг бир қисми – 4 минг АҚШ долларини олган вақтида ашёвий далиллар билан қўлга олинган.
Шундан сўнг, гумонланувчи О.М. нинг аризасига асосан тезкор тадбир давом эттирилиб, фуқаро А.Ю. гумонланувчи О.М. дан 4 минг АҚШ доллари олган вақтида тадбир иштирокчилари томонидан ашёвий далиллар билан ушланган.
Билдирилишича, мазкур ҳолат юзасидан Жиноят кодексининг 168-(фирибгарлик) ва 28, 211-моддалари (пора бериш) билан жиноят иши қўзғатилган.
Ўрганишлар давомида қўлга олинган фуқаро А.Ю. давлат идораларида, шунингдек, прокуратура органларида ишламаслигини, алдов йўли билан олинган пулларни ўз эҳтиёжи учун сарфламоқчи бўлганини билдирган.
