Намангандаги гуллар фестивали Гиннес рекордлар китобига киритилди. Бу ҳақда вилоят ҳокимлиги матбуот хизмати хабар берди.
Маълум қилинишич, ўтган йили фестивалга тайёргарлик жараёнида вилоят бўйича жами 100 миллион туп гул кўчати экилган. Бу йил эса ушбу миқдор 150 миллион тупга етказилган. Натижада Наманган “Жамоа бўлиб бир ой давомида энг кўп экилган гуллар” йўналишида Гиннес рекордини ўрнатган.
Бугун, 24 май куни фестивалнинг тантанали очилиш маросимида бу ҳақдаги махсус сертификатни Гиннесс вакили Шейда Субаси Наманган вилояти ҳокими Шавкатжон Абдураззоқовга тантанали равишда топширган.
“Энди дунёдаги саноқли шаҳарлар қаторида Наманган ҳам Гиннеснинг рекордлар китобига киритилиб, тарихда қоладиган бўлди”, дейилади хабарда.
