Кристофер Нолан суратга олган “Одиссея” фильми Universal Pictures киностудияси тарихидаги энг кассабоп фильмга айланди.
“Одиссея” — Кристофер Ноланнинг энг муҳим фильми ҳақида
Бундан 114 йил аввал асос солинган кинокомпания бу хабарни 12 сентябрь, шанба куни эълон қилди. Ўшанда фильмнинг АҚШдаги йиғимлари 601,2 миллион долларга, жаҳон бўйлаб эса 1,083 миллиард долларга етгани маълум бўлган эди. Шу тариқа фильмнинг умумжаҳон йиғимлари рекорд даражадаги 1,68 миллиард долларни ташкил этди.
“Крис [Нолан] ва Эмма [Toмас] яратган асар кинематография тарихидаги энг ҳашаматли ва бенуқсон ишланган фильмлардан бири сифатида тарихга киради. Бу бутун бир киноихлосмандлар авлодини илҳомлантирадиган ҳодисадир”, дея шарҳ берди NBCUniversal Entertainment директорлар кенгаши раиси Донна Ленгли.
“Одиссея” яқинда, прокатининг саккизинчи ҳафтасида касса йиғимлари бўйича яна биринчи ўринни эгаллади. Шунингдек, ушбу лойиҳа Нолан фаолиятидаги энг муваффақиятли фильм бўлиб, 1 миллиард доллар тўплаган илк комикс экранизацияси — унинг “Қора рицар: Афсонанинг қайтиши” картинасини ортда қолдирди.
Бундан ташқари, “Одиссея” тарихда Р рейтингига эга энг кассабоп фильмга, шунингдек, IMAX форматидаги энг даромадли кинокартинага айланди.
“Одиссея” жаҳон прокатига 17 июль куни чиқди. Гомер достонига асосланган фильмда Одиссейнинг Троя урушидан сўнг уйига қайтиши ҳақида ҳикоя қилинади.
Фильмда Метт Деймон (Одиссей), Энн Ҳетеуэй (Пенелопа, Одиссейнинг рафиқаси), Том Ҳолланд (Телемах), Роберт Паттинсон (Антиной), Эллиот Пейж (Синон), Лупита Нионго (Гўзал Елена), Зендея (маъбуда Афина), Шарлиз Терон (нимфа Калипсо), Бенни Сафди (Агамемнон) ва Миа Гот (Меланфо) рол ижро этган.
