Жорий йилнинг уч ойи давомида Ўзбекистонда 1 102 та йўл-транспорт ҳодисаси содир этилган. Уларнинг 31,4 фоизи (346 та) инсон ўлими билан якунланган. Бу ҳақда Ички ишлар вазирлиги хабар берди.
Қайд этилишича, йўл-транспорт ҳодисаларининг 13,6 фоизи ҳайдовчилар томонидан пиёдага йўл бермаслик, 32,9 фоизи белгиланган тезликка риоя қилмаслик, 4,2 фоизи ҳайдовчини ҳаракат вақтида ухлаб қолиши ва 22,4 фоизи светофорнинг талабларига амал қилмаслик оқибатида содир бўлган.
“Хавфсиз ва соғлом юрт” ойлигининг биринчи босқичида жами 43 931 та тезкор-қидирув ва профилактик тадбирлар ўтказилиб, 4 009 та гиёҳвандлик, 4 789 та уюшган жиноятчилик, 25 475 та коррупция ва 6 348 та терроризмга қарши курашиш йўналишида ноқонуний ҳолатлар аниқланган.
Шунингдек, жами 489,7 кг гиёҳвандлик, қарийб 308 минг дона кучли таъсир қилувчи дори воситалари олиниб, 1 541 туп таркибида гиёҳвандлик воситаси бўлган ўсимлик етиштирилаётганлиги аниқланган ва барчаси ўрнатилган тартибда мусодара қилинган. Шунингдек, уюшган жиноий гуруҳ ва шахслардан 457 та қурол, 6 584 дона ўқ-дорилар олиниб, содир этилиши мумкин бўлган мудҳиш ҳолатларга барвақт чек қўйилган.
