Самарқанд вилоятининг Ургут туманидаги 2-мактабда директор ўринбосари ва ўқувчи муштлашди. Ҳолат акс этган видео ижтимоий тармоқларда тарқалди.
Самарқанд вилояти Мактабгача ва мактаб таълими бошқармаси ахборот хизматининг маълум қилишича, мазкур ҳолат 2 апрель куни дарсдан сўнг мактабнинг маънавий-маърифий ишлар бўйича директор ўринбосари ҳамда 9-синф ўқувчиси ўртасида содир бўлган.
“Самарқанд вилояти Мактабгача ва мактаб таълими бошқармаси ўқувчиларга нисбатан ҳар қандай қўпол муносабатни кескин қоралайди. Мазкур ҳолат юзасидан бошқарма томонидан ишчи гуруҳ тузилиб, ўрганилади”, дейилади бошқарма хабарида.
Айни вақтда ҳолат ҳуқуқни муҳофаза қилувчи органлар томонидан ўрганилмоқда.
