Cobalt’нинг янги версиялари сотуви 3 ноябрдан бошланади

UzAutoMotors Chevrolet Cobalt автомобиллари янги версиялари сотуви 2025 йил 3 ноябрдан бошланишини эълон қилди.

More stories

Андижон–Тошкент йўлида Cobalt йўловчисидан 1 кг “гашиш” аниқланди

4 марта 11:49

Самарқандда сел Nexia автомобилини оқизиб кетди

22 мая 10:34

ЙПХ ходимини капот устида судраган ҳайдовчига жиноят иши очилди

3 ноября 22:09

Тошкентда Cobalt ҳайдовчиси ИИО ходимларидан қочиб, бир нечта машинани уриб кетди

12 июня 09:19

Компания матбуот хизматининг билдиришича, янги версиядаги автомобилларнинг кўргазма намуналари аллақачон дилерлик марказларига етказиб берилган бўлиб, мижозлар улар билан танишиб, харид қилиш тўғрисида қарор қабул қилишлари мумкин.

Chevrolet Cobalt автомобилларига бўлган юқори талаб ва мижозлардан келиб тушаётган кўплаб сўровларни инобатга олган ҳолда, шунингдек, ортиқча ажиотажнинг олдини олиш мақсадида, ушбу автомобилларга контрактация жараёни онлайн тарзда амалга оширилади.

Онлайн шартнома тузиш жараёнида Chevrolet Cobalt автомобилларининг барча комплектациялари, шу жумладан иккита янги комплектация ҳам мавжуд бўлади.

2025 йил 3 ноябрь соат 10:00 дан бошлаб мижозларга Chevrolet Cobalt учун онлайн контрактация очилади ва uzavtosavdo.uz сайти ҳамда UzAvtoSavdo иловаси орқали амалга оширилади.

Шу куни барча Chevrolet дилерлик марказлари ёпилади ва UzAutoMotors савдо тизимидан узилади.