Бугун, 12 март куни Россия Иккинчи Ғарбий округ ҳарбий суди Москва вилоятидаги “Crocus City Hall” мажмуасида содир этилган терактнинг тўрт нафар бевосита ижрочисини умрбод озодликдан маҳрум қилиш жазосига ҳукм қилди. Бу ҳақда “Интерфакс” хабар берди.
“Фаридуни, Мирзоев, Файзов ва Ражабализода айбдор деб топилсин ва уларга умрбод озодликдан маҳрум қилиш жазоси тайинлансин”, дея ҳукмни ўқиб эшиттирган судья.
Шунингдек, суд уларнинг ҳар бирига 990 минг рубль миқдорида жарима тайинлаган. Маҳкумлар жазони алоҳида тартибли колонияда ўтайди.
Иш бўйича айбланувчилар теракт содир этиш, террорчилик фаолиятига кўмаклашиш, террорчилик фаолиятини амалга ошириш мақсадида ўқувдан ўтиш ва бошқа жиноятларда айбдор деб топилган.
