Эрон ҳужумлари Яқин Шарқ давлатларига қарши эмас, балки фақат Америка Қўшма Штатлари ҳарбий базаларига қаратилган. Бу ҳақда Эрон Ташқи ишлар вазири Аббос Ароқчи “Al Jazeera” нашрига берган интервьюсида айтиб ўтди.
Вазир, шунингдек, зарурат туғилса, Эрон ўзини ҳимоя қилишга тайёрлигини билдирган.
“Айрим минтақа давлатларига эмас, балки Америка базаларига ҳужум қилмоқдамиз ва заруратга қараб ўзимизни ҳимоя қиламиз”, деган Ароқчи.
Унинг таъкидлашича, минтақадаги АҚШ ҳарбий базалари Эрон учун қонуний нишон ҳисобланади. У Исроил ва АҚШни ҳозирги ҳарбий ҳаракатларнинг оқибатларини тўлиқ тушунмаётганликда айблаган. Вазирга кўра, ҳозирги уруш минтақавий можаро эмас, балки Эрон ва АҚШ ўртасидаги қарама-қаршилик бўлиб, у бутун Яқин Шарққа таъсир қилмоқда.
