Сурхондарёда аёлларни Бирлашган Араб Амирлигига фоҳишалик учун юбормоқчи бўлган шахслар ушланди. Бу ҳақда вилоят ИИБ хабар қилди.
Қайд этилишича, икки нафар аёл чет элда ишлаш истагида бўлган аёлларни алдаб, уларни шаҳвоний мақсадларда эксплуатация қилиш орқали даромад топишни режалаштирган.
Улар уч нафар фуқарони фоҳишалик билан шуғулланиш учун БААга юборишни ваъда қилиб, 4 февраль куни Тошкент-Шаржа авиақатнови учун 700 долларга чипта харид қилган. Шунингдек, келгусида кўрсатиладиган хизмат учун 1000 доллар олинган.
Гумонланувчилар Бойсун туманида жойлашган “Дарбанд” йўл-патрул хизмати масканида ашёвий далиллар билан қўлга олинди. Ҳолат юзасидан одам савдоси билан боғлиқ жиноят аломатлари асосида жиноят иши қўзғатиш чоралари кўрилиб, тергов ўтказилмоқда.
