Ижтимоий тармоқларда катта ёшли эркак таёқ билан мактаб ёшидаги болани калтаклагани акс этган видео тарқалди. Маълум бўлишича, ҳолат Андижон вилояти Избоскан туманидаги 11-мактабда содир этилган. Болага зўравонлик қилган шахс мактабнинг директор ўринбосари экани аниқланган.
Мактабгача ва мактаб таълим вазирлигига кўра, педагог ва ўқувчи муносабатларига зид бўлган хатти-ҳаракатлари учун директор ўринбосарига ҳайфсан берилди, дея хабар қилди “Gazeta.uz” Вазирлик ҳозирда ҳолатни ўрганиш давом этаётганини билдирган.
Қайд этилишича, воқеа 23 январь куни соат 10:00 атрофида мактаб ҳудудида содир бўлган. Видеода ўқувчиларни дарс машғулотларига кириши юзасидан кўрсатма бериш вақтида директор ўринбосари А.Қ.нинг болани калтаклаган ҳаракатлари кўринган.
