Бухоро вилоятида “свет” ва газ билан боғлиқ ноқонуний ҳолатлар ортидан бир йилда 42 та жиноий иш очилди. Бу ҳақда Бош прокуратура хабар берди.
Бухоро вилоятида аҳоли, иқтисодиёт тармоқлари ва ижтимоий соҳа объектларини узлуксиз энергия ресурслари билан таъминлаш, энергия ресурсларини талон-торож қилиш ҳолатларини фош этилди.
Хусусан, 2025-йилда ўтказилган рейд тадбирлари давомида 9 526 та ноқонуний ҳолатлар фош этилиб, 2 700 та маъмурий иш юритилиб, 42 та жиноят иши қўзғатилди.
Вилоятда 2 134 та объектга 49 МВт қуёш панеллари ва 800 та 120,7 минг литр геликоллекторлар ўрнатилди. Натижада 118,4 млн кВт соат электр энергияси ва 136,4 млн куб метр табиий газ иқтисод қилинди. Ушбу тадбирларни амалга оширишда фаол бўлган айрим ходимлар рағбатлантирилди.
Ҳудудларда “Ҳудудий электр тармоқлари” ҳамда тизим таркибидаги корхоналар Комплаенс назорат тузилмалари томонидан ёқилғи-энергия ресурсларини талон-торож қилиш ҳолатларини аниқлаш ва уларга нисбатан тегишли чоралар кўриш юзасидан тадбирлар ўтказилмоқда. Хизмат ходимлари томонидан 2025-йилнинг 1—15 декабрь кунлари давомида ўтказилган рейд тадбирлари давомида қиймати 16,1 миллион кВт соат электр энергиясидан қонунга хилоф равишда фойдаланиш ҳолати аниқланган. Унинг қиймати 28,7 миллиард сўмни ташкил этган.
