Дубайда Агентлик директори биринчи ўринбосари Вячеслав Пак раҳбарлигидаги делегация БААнинг сунъий интеллект ва рақамли иқтисодиёт бўйича давлат вазири Умар Султон Ал Олама билан учрашув ўтказди.
Учрашув давомида икки томон давлат бошқарувига сунъий интеллектни жорий этиш, AI орқали лойиҳаларни баҳолаш тизимини қўллаш ва бу йўналишда мутахассислар тайёрлаш бўйича амалий ҳамкорликни бошлашга келишиб олди.
Энг муҳим жиҳати – Ўзбекистон томони ўз технологик тажрибаси билан қизиқиш уйғотди. “Ўзинфоком” вакиллари тақдим этган AI иловалари БАА расмийлари томонидан катта эътибор билан кутиб олинди ва уларни ўрганишга қизиқиш билдирилди.
Учрашув натижасида икки давлат ўртасида сунъий интеллект бўйича қўшма лойиҳалар, таълим дастурлари ва инновацион ташаббусларни биргаликда амалга оширишнинг янги босқичи бошланади.
