Тошкентда ҳайдовчи чорраҳада хизмат вазифасини олиб бораётган ЙПХ инспекторини уриб юборди. Бу ҳақда ИИББ ЙҲХБ матбуот хизмати хабар қилди.
Қайд этилишича, жорий йилнинг 22 январь куни соат 17:30 ларда Мирзо Улуғбек туманидаги Шаҳрисабз-Мустақиллик шоҳ кўчалари чорраҳасида 2000 йилда туғилган Lacetti русумли автомашина ҳайдовчиси кескин чапга қайрилиб юбориши оқибатида ЙПХ инспекторини уриб юборган.
Йўл-транспорт ҳодисасидан сўнг ЙПХ инспекторига шифокорлар томонидан биринчи ёрдам кўрсатилган. Ҳозирда пойтахт ИИББ ЙҲХБ томонидан терговга қадар суриштирув ишлари олиб борилмоқда.
